T20 World Cup 2026: 'ഭാര്യമാരും കാമുകിമാരും അടുത്ത് വേണ്ട'; ലോകകപ്പ് നേടാന്‍ നിലപാടിലുറച്ച് ബിസിസിഐ, ടീമിന്റെ ആവശ്യം അംഗീകരിച്ചില്ല

Other

3 min read

ടി20 ലോകകപ്പ് നടക്കുന്ന സമയത്ത് ഭാര്യമാര്‍ക്കും കാമുകിമാര്‍ക്കും ഇന്ത്യന്‍ താരങ്ങള്‍ക്കൊപ്പം താമസിക്കാനോ യാത്ര ചെയ്യാനോ സാധിക്കില്ല എന്ന കടുത്ത നിലപാടിലാണ് ബിസിസിഐ. ഇക്കാര്യത്തില്‍ ഇളവ് ലഭിക്കുമോ എന്നറിയാന്‍ ടീം മാനേജ്മെന്‍റ് ബിസിസിഐയോട് സംസാരിച്ചുവെന്നാണ് റിപ്പോര്‍ട്ടുകളാണ് പുറത്ത് വരുന്നത്. എന്നാല്‍ പഴയ നിലപാടില്‍ ഉറച്ച് നില്‍ക്കുകയാണ് ബിസിസിഐ.
കഴിഞ്ഞ കുറച്ച് നാളുകളായി എവേ പരമ്പരകളും ടൂര്‍ണമെന്‍റുകളും നടക്കുമ്പോള്‍ ഭാര്യമാര്‍, കാമുകിമാര്‍ ഉള്‍പ്പടെയുള്ള കുടുംബാംഗങ്ങളെ താരങ്ങള്‍ക്കൊപ്പം താമസിക്കാന്‍ ബിസിസിഐ അനുവദിക്കാറില്ല. ടി20 ലോകകപ്പ് നടക്കുമ്പോള്‍ ഇക്കാര്യത്തില്‍ ഇളവ് നേടുന്നതിനായി ടീം മാനേജ്മെന്‍റ് ബിസിസിഐയെ സമീപിച്ചിരുന്നു. എന്നാല്‍ നിലപാട് മയപ്പെടുത്താന്‍ ബിസിസിഐ തയ്യാറായില്ലെന്നാണ് റിപ്പോര്‍ട്ട്.
ഇപ്പോള്‍ നിലനില്‍ക്കുന്ന നയമനുസരിച്ച് ടി20 ലോകകപ്പ് നടക്കുന്ന സമയത്തും കുടുംബങ്ങളെ അനുവദിക്കില്ലെന്നാണ് ബിസിസിഐ നിലപാട്.